The Government Information Center

மாற்றுத்திறனாளிகளுக்கு வாழ்க்கைத்தொழிற் பயிற்சியளித்தல்

மாற்றுத்திறனாளிகளான இளைஞர் / யுவதிகளின் மனித உரிமைகளைப் பாதுகாத்து சுயகௌரவத்துடன் எழுந்திருப்பதற்கு வாய்ப்புகளை வழங்கி அவர்களை தேசிய உழைப்போர் செயலணியில் செயலூக்கமுள்ள பங்காளர்களாக்குவது இதன் நோக்கமாகும். அதற்காக அவர்களை பயனுறுதிமிக்க புனர்வாழ்வு செயற்பாட்டில் சேர்த்து, அவர்களின் இயல்பான ஆற்றலை மேம்படுத்திக்கொள்ளக்கூடிய வகையில் வாழ்க்கைத்தொழில் சார்ந்த செயற்பாடுகளில் பயிற்சியை வழங்குவதும் அதன் பின்னர் சமூகமயப்படுத்துவதும் இடம்பெறுகிறது.

பிரதான மூன்று மாவட்டங்களில் 05 வாழ்க்கைத்தொழிற் பயிற்சி நிலையங்களின் கீழ் இந்த நிகழ்ச்சித்திட்டம் நடைமுறைப்படுத்தப்படுகிறது.

நடப்பு தொழிற்சந்தைக்குப் பொருத்தமான பாடநெறியொன்றை தமது ஆற்றலின் அடிப்படையில் கற்றுக்கொள்ளுவதற்கும், தாம் விரும்பும் பிரதேசத்தில் அமைந்துள்ள நிறுவனமொன்றில் பாடநெறியைக் கற்றுக்கொள்ளுவதற்கும் இயலும்.

தேவையான தகைமைகள்

• வயது - 16 வயதுக்கும் 35 வயதுக்கும் இடைப்படடிருத்தல்
• திருமணமாகாதவர்
• ஏற்றுக்கொள்ளக்கூடிய மாற்றுத்திறனாளி (பதிவுசெய்யப்பட்ட மருத்துவர் ஒருவரிடமிருந்து பெற்ற மருத்துவ சான்றிதழ்)

தெரிவுசெய்யும் செயல்முறை

• சமூக அடிப்படையிலான நிகழ்ச்சித்திட்டங்களிலிருந்து பிரதேச செயலக அடிப்படையில் தெரிவுசெய்தல்
• சமூகசேவை உத்தியோகத்தர்கள் மூலம் தெரிவுசெய்தல்
• பத்திரிகை அறிவித்தல்கள் மூலம் விண்ணப்பம் கோரி தெரிவுசெய்தல்
• சமூகசேவை பணிப்பாளருக்கு விண்ணப்பிக்கின்றவர்களிடமிருந்து தெரிவுசெய்தல்
• திணைக்களங்கள் மூலம் தெரிவுசெய்யப்படுகின்ற பொருத்தமான நிறுவனங்களுக்கு அனுப்பிவைக்கப்படுகிறது.
• வாழ்க்கைத்தொழிற் பயிற்சி நிறுவனங்கள் மூலம் நேர்முக பரீட்சை நடத்தப்பட்டு தெரிவுசெய்யப்படும்

வழங்கப்படும் வசதிகள்

• இலவச தங்குமிட வசதிகள்
• வெளியிலிருந்து வருகின்ற பயிற்ச்சி பெறுநர்களுக்கு நாளொன்றுக்கு ரூ. 110.00 கொடுப்பனவும், தங்கியிருந்து பயிற்சி பெறுகின்றவர்களுக்கு நாளொன்றுக்கு ரூ. 50.00 கொடுப்பனவும், தொண்டர் நிறுவனங்களில் பயிற்சி பெறுகின்றவர்களுக்கு ரூ. 75.00 கொடுப்பனவும் வழங்கப்படுகிறது
• ரூ. 10,000.00 பெறுமதியான கருவிகள் தொகுதியொன்று
• அரசாங்கத்தால் ஏற்றுக்கொள்ளப்பட்ட சான்றிதழ்
• தொழில் வாய்ப்புகள்

விசேட பயன்கள்

• விளையாட்டு மற்றும் கலை நடவடிக்கைகள் (உள்நாட்டு மற்றும் வெளிநாட்டு)
• இளைஞர் கழக நவடிக்கைகள்
• சமூகத்திற்குப் பழக்கப்படுத்தும் நிகழ்ச்சித்திட்டங்கள்
• தலைமைத்துவ பயிற்சி
• திசைமுகப்படுத்தும் மற்றும் இயங்கும் பயிற்சி
• சமிக்ஞை மொழி மற்றும் பிரேல் பயிற்சி

பயிற்சி காலம்

• பயிற்சி நெறியின் பிரகாரம் ஒரு வருட அல்லது இரண்டு வருட பயிற்சி காலம்

மேலதிக விபரங்களை நாடு முழுவதிலும் அமைந்துள்ள பிரதேச செயலகங்களுக்கு இடைச் சேர்க்கப்பட்டுள்ள சமூக சேவை திணைக்களத்தின் சமூக சேவை உத்தியோகத்தரிடம் அல்லது அபிவிருத்தி உத்தியோகத்தரிடம் பெற்றுக்கொள்ள முடியும்.